Freyja Haraldsdóttir, fyrrverandi varaþingmaður Bjartrar framtíðar telur Barnaverndarstofu brjóta á mannréttindum sínum með því að neita henni um að taka barn í fóstur. Krefst hún þess að fatlaðir einstaklingar fái sömu málsmeðferð og ófatlaðir hjá stofnuninni.
Þetta kemur fram á vef Vísis. Freyja hefur undanfarin misseri verið ötull talskona fyrir réttindum fatlaðs fólks í samfélaginu en hún var varaþingmaður fyrir Bjarta framtíð árin 2013-2016 auk þess sem hún gegndi starfi forstýru NPA miðstöðvarinnar.
Um fóstur er ræða þegar barnaverndarnefnd felur fósturforeldrum forsjá eða umsjá barns en þær fósturráðstafanir sem um er að ræða eru tímabundið fóstur, varanlegt fóstur og styrkt fóstur.
Freyja var í viðtali við Monitor árið 2010 þar sem hún sagðist alltaf hafa ætlað sér að verða móðir.
„Ég get eignast börn en meðgangan gæti orðið krefjandi fyrir mig því ég er með lítinn líkama, beinin eru viðkvæm og bakið ekki sterkt,“ sagði hún og bætti við á öðrum stað:
„Konur með mína skerðingu hafa gengið með börn og allt gengið vel en ég veit ekki hvort ég fari þá leið eða ættleiði. Ég hef alltaf ætlað mér að verða mamma svo það kemur að því.“
Fram kemur að Freyja hafi lagt fram beiðni um að gerast fósturforeldri en verið þeirri beiðni hafi verið synjað af Barnaverndarnefnd. Úrskurðarnefnd velferðarmála koms síðan að sömu niðurstöðu,“ samkvæmt Braga Guðbrandssyni, forstjóra Barnaverndarstofu en hann gat að öðru leyti ekki tjáð sig um málið. Þá sagði Sigrún Ingibjörg Gísladóttir, lögmaður Freyju að í hnotskurn snerist málið um „réttlæti og jafna stöðu borgaranna.“
