Lögreglan rannsakar nú nýtt myndskeið í tengslum við hvarfið á Birnu Brjánsdóttur. Á myndskeiðinu má sjá rauðan bíl, líklega Kia Rao en það náðist á upptöku eftirlitsmyndavélar áhaldageymslu Golfklúbbs Kópavogs og Garðabæjar klukkan 5:53 á laugardagsmorgun. Frá þessu greinir Vísir.
Samkvæmt upplýsingum sem áður hafa komið fram var slökkt á farsíma Birnu aðeins nokkrum mínútum áður en rauði bíllinn næst á umrædda myndbandsupptöku.
Líkt og áður hefur komið fram sást rauð Kia Rio-bifreið sást á eftirlitsmyndavél á Laugaveginum um það leyti sem Birna Brjánsdóttir sást síðast aðfaranótt laugardags. Bað lögreglan ökumann rauðu bifreiðarinnar að hafa samband við lögreglu í síma 444 1109 sem allra fyrst. Ökumaður bílsins eða farþegar hans létu aldrei heyra í sér.
Fram kemur á vef Vísis að samkvæmt upptökunni bregði ökumanninum þegar hann sjái ljós kvikna á eftirlitsmyndavélinni, en vélin greinir hreyfingu. Bifreiðinni sé í kjölfarið ekið skyndilega á brott.
