Ekkert lát er á vinsældum Íslands sem ferðamannastaðar. Á nýlegum lista Kayak flugleitarvélasíðunnar er Reykjavík í öðru sæti yfir þær tíu borgir sem oftast er flett upp um þessar mundir. Greint er frá þessu á vef Independent.
Niðurstöður Kayak byggja á rúmlega 1,5 billjón uppflettingum og kemur fram í grein Independent að Reykjavík, höfuðborg Íslands státi af „stórfenglegum náttúrubakgrunni og litríkum húsum.“
Samkvæmt niðurstöðunum hefur orðið 77 prósent aukning í uppflettingum á Íslandi í gegnum leitarvélina. Ódýrast er að fljúga til landsins í október og þá er ferðamönnum ráðlagt að bóka ferðina með sex mánaða fyrirvara til að fá sem hagstæðust kjör.
Hava á Kúbu trónir efst á listanum en á eftir Reykjavík koma Auckland, Balí, Tókýó, Cartagena, Lissabon, Medellín, Calgary og loks Sydney.