Stórfurðuleg „frétt“ birtist í dag á vef Stjórnarráðs Íslands, svokölluð „prufufrétt eitt“. Þar segir á ensku að forsætisráðherrar munu skiptast í hópa og taka þátt í ýmsum athöfnum svo sem „Poco, loco og limbo“.
Enn liggur ekki fyrir hvað er átt við með þessum orðum en vonandi verður erlendum þjóðhöfðingjum boðin betri afþreying en limbo, komi þeir til Íslands.
Sennilegast er þetta þó einungis klúður í vefstjórn Stjórnarráðsins, æðsta stjórnvaldi framkvæmdarvaldsins á Íslandi.
