Benedikt Sveinsson, faðir Bjarna Benediktssonar fjármálaráðherra, átti félag sem skráð var á Tortóla. Þetta kemur fram í umfjöllun sem birt er í Stundinni í dag.

Benedikt og eiginkona hans, Guðríður Jónsdóttir, stofnuðu umrætt félag, Greenlight Holding Luxembour S.A. árið 2000 og var umsýsla félagsins í höndum panamísku lögfræðiskrifstofunnar Mossack Fonseca. Benedikt og eiginkona hans, Guðríður Jónsdóttir, sátu sjálf í stjórn félagsins og höfðu prókúru fyrir það.

Félagið var afskráð úr fyrirtækjaskrá Tortóla árið 2010, en þá var hætt að greiða Mossack Fonseca umsýslugjöld vegna þess. Sama ár tóku í gildi lög hér á landi sem skylduðu eigendur aflandsfélaga til að greiða skatta vegna tekna þeirra hér á landi.

Ekki virðist liggja fyrir hver tilgangur félagsins var og hverjar eignir þess voru – ef einhverjar voru.