Ísafjarðarbær fer nýjar leiðir til að vinna gegn lúpínu og kerfli
Í sumar mun umhverfisfulltrúi Ísafjarðarbæjar standa fyrir sauðfjárbeit á Ísafirði og á Suðureyri standa að nokkuð óvenjulegu verkefni sem hefur vakið eftirtekt.
Á vef bb.is kemur fram að um sé að ræða tilraun þar sem reynt verði að vinna gegn útbreiðslu lúpínu í stað þess að nota eiturefni. Sauðfénu verður komið fyrir, fyrir ofan Hlíðarveg 3-7 á Ísafirði og fyrir ofan Aðalgötu 25 á Suðureyri. Starfsmenn bæjarins munu kynna verkefnið fyrir íbúum á næstunni.
Lúpínan er umdeild planta, sem annaðhvort er illa liðin meðal fólks, eða þá að fólk sér frábæra eiginleika hennar við landgræðslu. Kerfill var fluttur hingað til lands árið 1927 og var fyrst um sinn notaður sem skrautjurt. Nú dreifir hann sér hratt og af „fádæma frekju“ eins og fram kemur á vef BB.is.