80 prósent barna geta svarað spurningunni – Getur þú það?
Hver hefur ekki gaman að gátum sem reyna örlítið á heilann? National Geographic birti þessa mynd á vef sínum en á henni má sjá strætisvagn sem er alveg nákvæmlega eins að framan og að aftan. En í hvaða átt er hann að fara? Svarið liggur í augum uppi þegar vel er að gáð.
Gátan birtist fyrst í sjónvarpsþáttaröð National Geographic sem ber heitið Brain Games TV. Í þættinum kom fram að 80 prósent barna hafi svarað spurningunni rétt og að fullorðnir ættu í raun í meiri vandræðum með að finna rétt svar en börn.
Rétt svar fer eftir því hvar í heiminum þú býrð. Rétt svar hjá þeim sem eru til dæmis vanir íslensku vegakerfi er að strætisvagninn sé í leið vestur, eða til vinstri frá okkur séð. Ástæðan er sú að á þeirri hlið sem snýr að okkur eru engar dyr til að ganga inn í strætóinn. Þá hljóta dyrnar að vera á hinni hliðinni, þeim megin sem ökumaðurinn situr.
Rétt svar hjá þeim sem eru vanir bresku vegakerfi er hins vegar það að strætóinn sé í leið austur, eða til hægri.