Forseti Íslands, Guðni Th. Jóhannesson átti í dag fund með Birgittu Jónsdóttur, þingflokksformanni Pírata. Á fundinum fól forseti Birgittu umboð til stjórnarmyndunar og ræddi við fulltrúa fjölmiðla að fundinum loknum.
Eftir fundinn kvaðst Birgitta vongóð um að stjórnmálamönnum tækist að finna leið til að vinna saman. Þá kvaðst hún byggja á góðum grunni eftir fyrri viðræður flokkanna
„Við munum nálgast þetta með það að sjónarmiði að það sitji ekki einhver einn við borðsendann.“