Sjálfstæðisflokkurinn mælist með afgerandi forystu samkvæmt niðurstöðum nýrrar skoðanakönnunar um fylgi flokkanna sem birtar er í Fréttablaðinu í dag.
Fylgi Sjálfstæðisflokksins mælist 25,1 prósent á meðan Píratar mælast með 20,3 prósenta fylgi. Gengið verður til kosninga á laugardag sem kunnugt er. Vinstri grænir mælast nú með 16,4 prósenta fylgi, Framsóknarflokkur með 11,2 prósenta fylgi og fygli Viðreisnar er 10,8 prósent.
Athygli vekur að Samfylkingunni hefur mistekist að komast á flug nú í aðdraganda kosninga. Fylgi flokksins mælist nú sex present á meðan fylgi Bjartrar framtíðar er nú 5,1 prósent. Aðrir flokkar í framboði ná ekki fimm prósenta markinu.
Könnunin var framkvæmd dagana 24. og 25. október. Hringt var í 1.127 manns þar til náðist í 802 einstaklinga.
