fbpx
Fókus

Hríseyjarmálið: Halla niðurbrotin – Eiríki var sagt að hengja sig

Halla Björg er harmi slegin vegna umræðunnar um kærasta sinn, Eirík Fannar

Kristín Clausen
Föstudaginn 21. október 2016 09:00

„Réttur barna er að báðir foreldrarnir séu til staðar þegar ástandið er svona alvarlegt.“ Þetta segir Halla Björg Albertsdóttir, unnusta Eiríks Fannars Traustasonar, sem dæmdur var í fimm ára fangelsi í byrjun sumars fyrir hrottafengna nauðgun á tjaldstæði í Hrísey í júlímánuði árið 2015. Þá hefur Eiríkur verið kærður fyrir kynferðisbrot gegn stúlku á grunnskólaaldri. Barnavernd og Barnahús hafa komið að því máli.

Ástandið er alvarlegt

Halla og Eiríkur eignuðust tvíbura í lok september síðastliðinn. Drengirnir komu í heiminn 9 vikum fyrir áætlaðan fæðingardag. Annar drengjanna hefur barist fyrir lífi sínu síðustu vikur en tvíburarnir eru á vökudeild Landspítalans.

Halla og Eiríkur hafa eytt töluverðum tíma á vökudeildinni frá því að þeir komu í heiminn en þar sem Halla er búsett á Akureyri fengu þau sjúkraíbúð til afnota í Reykjavík á meðan synir þeirra dvelja á spítalanum.

Á miðvikudag var greint frá því að Eiríkur Fannar gengi laus, aðeins nokkrum mánuðum eftir að hafa fengið þungan fangelsisdóm. Hafa margir tjáð sig um það á samfélagsmiðlum og lýst vanþóknun sinni í athugasemdakerfum fjölmiðla. Halla segir skelfilega upplifun fyrir sig að lesa innlegg lesenda í tengslum við fréttaflutning af alvarlegu kynferðisbroti kærastans sem og fréttir um að hann hafi verið kærður af stúlku á grunnskólaaldri.

„Þetta er sérstaklega sárt fyrir okkur fjölskylduna sem höfum staðið við bakið á honum að lesa þetta. Og á sama tíma sjá hann í molum, sárum og ógeði.“

Halla heldur fram að Eiríkur hefði ekki fengið hlé á afplánun af mannúðarástæðum ef hann hefði ekki sýnt af sér góða hefgðun á Litla-Hrauni.

Búinn að læra lexíu og fjölmiðlafárið vakið upp kvíða

Halla segir að Eiríkur hafi verið á edrú-ganginum á Litla-Hrauni á meðan hann afplánaði hluta dómsins sem hann hlaut í sumar. Hann var þó kominn í opið úrræði áður en hann fékk tímabundið leyfi frá afplánun.

„Þó svo að það sé bara eitt og hálft ár síðan þetta gerðist er hann búinn að læra lexíu. Við sem þekkjum hann vitum að þessi atburður á ekki að festast við hann sjálfan.“

Eiríkur Fannar fékk, líkt og áður segir, hlé frá afplánun til að styðja Höllu og börnin. Fyrr í vikunni fóru þau saman í stutta ferð norður en Halla á eldri börn sem hún vill að halda sinni föstu rútínu þrátt fyrir allt sem hefur gengið á.

„Það hefur einhver séð hann fyrir norðan og í framhaldinu fór þetta allt af stað,“ segir Halla og á þá við fárið sem fór í gang í gær þegar fjölmiðlar komust á snoðir um að Eiríkur Fannar gengi laus. Hún viðurkennir að hafa þó hálfpartinn verið búin að bíða eftir þessum fréttaflutningi.

„Það gerðist í gær og það með þvílíkum hvelli,“ segir Halla og bætir við.

„Ég vil taka það fram að ég tók meðvitaða ákvörðun umað standa í þessu, og með honum, þegar við fórum að vera saman fyrir rúmlega ári. Ég vil líka að það komi fram að við erum búin að þekkjast mun lengur og við kynntumst ekki eftir að hann fór inn í fangelsið eins og einhver sagði í kommentakerfinu.“

Þakklát fangelsismálastofnun

Halla kveðst ekki vera reið vegna þess hvernig fólk er að tala um hana og Eirík, heldur í áfalli.

„Ég hefði ekki getað trúað því að samfélagið gæti verið svona ljótt. Talandi um að hann eigi að hengja sig og ég sé vitlaus. Þetta fólk þekkir okkur ekki neitt.“

Þrátt fyrir allt segist Halla þó ekki vilja dæma annað fólk. Það eigi rétt á sínum skoðunum. Hún er mjög þakkát fangelsismálayfirvöldum að sýna þessum hörmulegu aðstæðum þeirra skilning.

„Ef ég væri að ganga í gegnum þetta ein þá væri ég örugglega búin að hoppa niður af Landspítalanum. Ég er mamman sem fer fram og skælir á meðan læknarnir eru að sinna þeim.“

Geggjaðist af neyslu

Halla viðurkennir að hún hafi verið mjög hrædd í gær um að Eiríki yrði kippt aftur inn. „Það gerðist sem betur fer ekki svo það er alveg óráðið hvenær hann hefur aftur afplánun.“

Hún segir að í sínum augum verði Eiríkur alltaf eins og hann var, fyrir utan þessa einu nótt.

„Hann hefur unnið allt sitt líf og á góða fjölskyldu. Eiríkur geggjaðist af neyslu, eins og svo margir aðrir. Sumir verða geggjaðir og drepa sig en sumir verða geggjaðir og jafna sig aftur. Þetta virkar bara svona.“

Síðustu sólarhringar hafa verið gríðarlega erfiðir fyrir Höllu, sem kveðst vera svefnlaus en hafi þó tekið ákvörðun um að hugsa ekki meira út í hvað öðrum finnst.

„Ég gerði það í byrjun. Ég hef þekkt Eirík lengi og veit hvaða mann hann hefur að geyma.“

Þá vill hún koma því á framfæri að þau Eiríkur hafi um nóg annað að hugsa núna heldur en baktal og reiða samborgara. Hún biðlar því til fólks að gefa þeim frið til að sinna tvíburunum sem þurfa á þeim að halda.

„Allir geta lent í þessari stöðu. Það er alls ekki sjálfsagður hlutur að allt gangi upp í lífinu. Það væri óskandi en það virkar því miður ekki alltaf svoleiðis.“

Kristín Clausen
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Fyrir 4 klukkutímum

„Norræna goðafræðin eins og við höfum aldrei séð hana áður“

„Norræna goðafræðin eins og við höfum aldrei séð hana áður“
Fókus
Fyrir 6 klukkutímum

Einstakt atvik í sögu The Bachelor þáttanna – Hafnað af piparsveininum en fann samt ástina – Táraflóð og ástarjátning

Einstakt atvik í sögu The Bachelor þáttanna – Hafnað af piparsveininum en fann samt ástina – Táraflóð og ástarjátning
Fókus
Fyrir 16 klukkutímum

Sólveig fékk ekki hjálp eftir morð sonar síns: „Ég átti ekki krónu en ég þurfti að jarða barnið mitt“

Sólveig fékk ekki hjálp eftir morð sonar síns: „Ég átti ekki krónu en ég þurfti að jarða barnið mitt“
Fókus
Fyrir 20 klukkutímum

Vessa- og hægðasprengja í Kirkjuhúsi

Vessa- og hægðasprengja í Kirkjuhúsi
Fókus
Fyrir 21 klukkutímum

„Við höfum ekki ennþá náð að verða neitt sérstaklega leiðir á hvor öðrum“

„Við höfum ekki ennþá náð að verða neitt sérstaklega leiðir á hvor öðrum“
Fókus
Í gær

Shoreditch í London er perla sem allir verða að heimsækja

Shoreditch í London er perla sem allir verða að heimsækja
Fókus
Í gær

Þorvaldur Ari myrti Hjördísi fyrrverandi eiginkonu sína en fékk lögmannsréttindin að nýju – „Öllu er lokið“

Þorvaldur Ari myrti Hjördísi fyrrverandi eiginkonu sína en fékk lögmannsréttindin að nýju – „Öllu er lokið“