Gísli Eyjólfsson miðjumaður Breiðabliks var einn besti leikmaður Pepsi deildar karla í sumar.
Gísli var fastamaður í liði Blika sem endaði í öðru sæti í bæði Pepsi deildinni og Mjólkurbikarnum.
Hann var besti leikmaður Pepsi deildarinnar að mati Morgunblaðsins og er í ítarlegu viðtali þar í dag.
Meira:
,,Þá er maður samt eins og vanþakklátur krakki á jólunum“
Gísli er þakklátur þeim þjálfurum sem hann hefur haft og nefnir þar Ólaf Kristjánsson, sem er í dag þjálfari FH.
„Óli Kristjáns var þjálfari, og það er mesti herskóli sem ég hef lent í. Maður lærði mikið þarna, það var svo mikil alvara í þessu hjá honum, og ef maður mætti einni mínútu fyrir æfingu með óreimaða skó þá var manni hótað að þurfa að hlaupa alla æfinguna án þess að fá að snerta boltann,“ segir Gísli.
,,Ég var eiginlega skíthræddur við hann. Allur dagurinn fór í að undirbúa mig fyrir æfinguna. Það hefur örugglega virkað helvíti vel. Upp frá þessu fór maður af fullum krafti í þetta,“ segir Gísli við Morgunblaðið.