Alls óvíst er hvort Emre Belözoğlu, fyrirliði Tyrkja, verði leikfær þegar Tyrkir taka á móti Íslendingum í Istanbúl á morgun. Tyrkneskir fjölmiðlar greina frá því að Emre hafi ekki tekið þátt í æfingu liðsins í gær. Hann hafi reynt að hlaupa meðan aðrir leikmenn tóku þátt í æfingunni en jafnvel það hafi reynst honum ofviða.
Emre er langleikjahæsti leikmaður Tyrkja en hann er orðinn 39 ára gamall og hefur líklega sjaldan verið betri en einmitt nú. Mikil endurnýjun hefur verið í tyrkneska liðinu á undanförnum árum og hefur Senol Gunez, landsliðsþjálfari Tyrkja, sagt að Emre væri eins „og stóri bróðir og faðir“ fyrir aðra leikmenn hópsins. Emre hefur spilað nokkra leiki í undankeppninni og var hann síðast í byrjunarliðinu þegar Tyrkir lögðu Albaníu að velli í október.
Tyrkneskir fjölmiðlar segja að Ozan Tufan verði pottþétt á miðjunni hjá Tyrkjum á morgun. Tufan, sem er 24 ára miðjumaður Fenerbache, hefur spilað vel fyrir Tyrki að undanförnu. Þá eru líkur taldar á að Okay Yokuslu, leikmaður Celta Vigo á Spáni, byrji á miðjunni við hlið Tufans.