Hvert svæðið á fætur öðru opnar þessa dagana í Stóru Laxá í Hreppum. Í gær opnaði svæði eitt og tvö. Þær áður opnaði svæði 4 og þar komu 11 laxar fyrstu dagana. Svæði eitt og tvö gáfu 21 lax á fyrsta degi sem er í einu orði sagt frábær byrjun.

,,Þetta var algjörlega mögnuð opnun,“ sagði Valgerður Árnadóttir sem var með föður sínum Árna á stöng. Og hélt áfram.

,Þetta hlýtur að vera ein besta besta opnunin frá upphafi. Við fengum 21 lax og aldrei séð aðra eins tökur hjá laxinum. Þetta var meiriháttar,“ sagði Valgerður eftir allt fjörið í svæði eitt og tvö í Stóru Laxá í Hreppum í gær.

Mynd: Valgerður Árnadóttir með lax á í opnun Stóru Laxar á svæði eitt og tvö.