Hvað ef morgunkaffið þitt segir meira um þig en stjörnuspáin? Myndir þú vera hissa á því? Að sögn sérfræðinga þá segir kaffið, eða öllu heldur hvernig fólk ber sig að við að drekka það, einmitt eitt og annað um fólk.

Sálfræðingar hafa rannsakað þetta og hafa eitt og annað að segja um hvað kaffidrykkja segir um fólk.

Svart kaffi er að sögn einkennandi fyrir þá sem eru heiðarlegir og hugrakkir – Ef þú vilt drekka kaffi án sykurs, mjólkur og fyrirhafnar, þá ert þú líklega týpan sem kemur þér beint að efninu. Þetta val endurspeglar raunsæjan og afkastamikinn einstakling sem hefur mikla hæfileika til að taka ákvarðanir og hrinda þeim í framkvæmd. Fyrir þetta fólk er kaffi aðallega gott verkfæri sem hentar vel til að veita orku í upphafi dags.

Latte og cappuccion er fyrir félagslynt fólk sem leitar að sætleikanum í lífinu – Vilt þú kaffi með mjólk eða rjóma, mjúkt og þægilegt? Þá ert þú líklega hlý manneskja sem veitir öðrum athygli og leggur áherslu á harmonísk sambönd. Þeir, sem kjósa drykki með mjólk, sýna oft af sér tilfinningalega viðkvæmni og leita að þægindum. Froðan afhjúpar smekk fyrir smáatriðum, umhyggju og stundum smávegis þörf fyrir að stjórna.

Ískaffi og frappuccion er fyrir frjálsar og glaðar sálir – Ef þú hneigist að ísköldu, sætu eða endurtúlkuðu kaffi, þá ert þú líklega snögg, tjáningarfull og nautnaleitandi manneskja. Þetta val endurspeglar unglega sál, þol gagnvart breytingum og hæfilega til að njóta líðandi stundar.

Skyndikaffi er fyrir þá raunsæju – Vilt þú helst drekka skyndikaffi? Ef svo er þá kannt þú líklega vel að meta skilvirkni, hraða og einfaldleika. Val á þessu kaffi er oft tengt við fólk sem á auðvelt með að laga sig að hlutunum og getur tekist á við takmarkanir án þess að festast í löngu ferli.