The Sun segir að í rannsókninni hafi verið fylgst með tæplega 1.800 miðaldra og eldri karlmönnum í 12 ár. Þeir voru spurðir hversu oft þeir upplifðu morgunstandpínu.
Í ljós kom að um 22% minni líkur voru á að þeir sem fengu reglulega morgunstandpínu létust ungir. Þeir voru miklu ólíklegri til að deyja af völdum algengra þátta á borð við hjartasjúkdóma og heilablóðfalla.
Vísindamenn telja að standpína að næturlagi sé merki um að blóðrásin virki vel og þannig dragi úr hættunni á lífshættulegum sjúkdómum.
Dr Leen Antonio, aðalhöfundur rannsóknarinnar, sagði í samtali við tímaritið Age and Ageing að risvandamál og léleg morgunstandpína tengist hærri dánartíðni.
Rannsóknir hafa sýnt að karlmenn geti fengið standpínu allt að fimm sinnum á hverri nóttu. Morgunstandpína getur tengst því að testósterónmagnið toppar.
Eftir því sem aldurinn færist yfir fækkar tilfellum standpínu að næturlagi en ástæðan er hormónabreytingar. Ef þetta gerist mjög hratt þá getur það bent til heilsufarsvanda.
