Þessu hafa sérfræðingar auðvitað svarað í gegnum tíðina og hér grípum við niður í nokkur ráð frá þeim sem komu fram í umfjöllun Danska ríkisútvarpsins.
Vissir þú að magnið af því sem kemur frá þér þegar þú hnerrar, hóstar eða snýtir þér, getur verið vísbending um hversu smitandi þú ert? Þeim mun meira magn, þeim mun meiri líkur eru á að þú getir smitað aðra.
Liturinn á hori getur veitt mikilvægar upplýsingar um hvenær þú ert mest smitandi. Í byrjun kvefs, þá er horið oft glært og þunnt en það bendir til að þú sért mjög smitandi. Þegar kvefið fer að réna, verður horið meira gult og þykkara og þá eru minni líkur á að þú smitir aðra.
Það er ekki bara mýta að maður kvefist ef manni verður kalt. Kuldi og blautir fætur geta aukið hættuna á því að maður veikist. Ástæðan er að þegar æðarnar í hálsinum dragast saman vegna kulda, þá eiga veirur auðveldara með að ráðast til atlögu.
Þegar kemur að því að forðast að veikjast eða smita aðra þá eru eftirtalin ráð nokkuð góð en þau eru svo sem engar nýjar fréttir, við vitum þetta eflaust flest.
Vertu heima þegar þú ert veik(ur).
Forðastu að koma nærri fólki sem er með einhver sjúkdómseinkenni.
Loftaðu út.
Þvoðu þér oft og vel um hendurnar.
Hóstaðu og hnerraðu í olnbogabótina, ekki í lófann eða óhindrað út í loftið.
