Til að fyrirbyggja allan misskilning, þá uppgötvuðu þeir ekki neitt tengt geimverum, heldur risastóran, hulinn massa sem gæti verið leifarnar af eldfjallakerfi.
Það var alþjóðlegt teymi vísindamanna, undir forystu Dr. Bart Root hjá Delft háskólanum, sem gerði þessa uppgötvun. Teymið notaði þyngdaraflsgögn við rannsóknina og með aðstoð þeirra fann það um 1.600 kílómetra breiðan hlut á um 1.100 kílómetra dýpi undir Tharsis Montes svæðinu en þar er Olympus Mons, sem er hæsta þekkta eldfjallið í sólkerfinu.
Það er ekki hægt að sjá þetta berum augum og engin ummerki eru um þetta á yfirborðinu. Það er aðeins hægt að staðfesta tilvist þess með hárnákvæmum þyngdaraflsmælingum.
Vísindamenn telja að þetta geti verið merki um kvikustrauma frá möttlinum, sem eru enn virkir og gætu hugsanlega valdið eldgosi í framtíðinni.
Dr. Root segir að hér geti verið um leifar af gömlu eldfjallaefni að ræða, eða jafnvel samanþjappaðan steinmassa sem myndaðist við árekstur loftsteins.
Rannsóknin bendir til að Mars sé ekki endilega eins „dauð“ að innan og talið hefur verið.
