Maria Goldback, blaðakona hjá Vogue, ákvað að skipta morgunkaffinu sínu út með grænu tei í tilraunaskyni.
Hún var ekki þessi hefðbundni kaffifíkill sem drakk átta kaffibolla á dag. Hún drakk venjulega þrjá bolla á dag, einn á morgnana, einn eftir hádegismatinn og einn seinnipartinn ef henni fannst hún orkuþurfi.
En þrátt fyrir þessa hóflegu kaffidrykkju, fann hún fyrir eirðarleysi og fannst hún oft ekki geta einbeitt sér nægilega vel.
Hún samdi því við sjálfa sig um að sleppa kaffinu í einn mánuð og hallaði sér í staðinn að hraðsuðukatlinum og grænu tei. Glamour skýrir frá þessu.
Grænt te býr yfir svolitlu sem kaffi getur ekki keppt við – L-theanin. Þetta amínósýra sem í bland við hið litla magn koffíns, sem er í teinu, gerir fólki kleift að einbeita sér mjög vel.
Ekki neitt koffíntrix, heldur blíður stígandi í orku og einbeitingu sem endist lengur.
Eftir eina viku byrjaði Maria að finna mun. Hún hætti að finna fyrir skjálfta, maginn hélt sér rólegum á morgnana og hún var orkumikil seinnipartinn. Hún átti auðveldara með að einbeita sér og glímdi ekki nartþörf eins og hafði venjulega gert vart við sig um klukkan 15.
Svefngæðin bötnuðu líka.
Hún drakk síðasta tebollann um klukkan 16 og í staðinn fyrir að liggja andvaka á kvöldin, sofnaði hún hratt, eins og lítið barn.
Eftir 30 daga var niðurstaðan skýr – Það gerir nánast kraftaverk fyrir hversdaginn að skipta kaffi út með grænu tei.
