Vefsíðan AllSides hefur greint pólitíska slagsíðu helstu bandarísku fjölmiðlanna. Síðan segist birta þessar upplýsingar til að tryggja gegnsæi í fjölmiðlaumfjöllun og eins til að hjálpa fólki að fá heildarsýn á hvað sé að gerast í þjóðfélaginu og gera því kleift að mynda sér sjálfstæða skoðun.
Flokkunin byggir síðan á ábendingum frá þúsundum Bandaríkjamanna, þvert á stjórnmálaskoðanir sem og á mati sérfræðinga.
„Allir hafa slagsíðu, en falin hlutdrægni afvegaleiðir og sundrar okkur. AllSides gera hlutdrægni gegnsæja svo þú getir borið kennsl og kynnt þér ólík sjónarmið.“
Flokkunina má sjá á myndinni hér að neðan en matið segir ekkert til um áreiðanleika eða nákvæmni fréttaflutnings heldur bara þau sjónarmið sem fjallað er um. Þeir miðlar sem eru lengst til vinstri hafa vinstri slagsíðu, svo eru miðlar með smá slagsíðu til vinstri, loks frekar hlutlausir miðlar, svo miðlar með nokkra hægri slagsíðu og loks miðlar með hægri slagsíðu Nánar má lesa um flokkunina hér.
