Matthew hafði aðeins örfáum dögum áður verið náðaður af Donald Trump Bandaríkjaforseta. Hlaut Matthew sex mánaða dóm fyrir aðild sína að óeirðunum en hann var í hópi þeirra sem fóru í óleyfi inn í þinghúsið hvar hann var í 16 mínútur.
CNN segir frá því að Matthew hafi verið stöðvaður af lögreglu Jasper County í Indiana á sunnudag fyrir óljósar sakir. Hann er sagður hafa streist á móti þegar lögreglumaður hugðist handtaka hann og endaði það þannig að hann var skotinn til bana af lögreglu.
Matthew var vopnaður skammbyssu þegar atvikið átti sér stað.
