Það er vatnsskortur víða á ítölsku eyjunni Sikiley og svo rammt kveður að honum í strandbænum Agrigento að þar er byrjað að vísa ferðamönnum frá því ekki er hægt að tryggja þeim vatn á meðan á dvöl þeirra stendur.

CNN skýrir frá þessu og segir að þetta eigi meðal annars við um lítil hótel og gistihús því þar er ekki alltaf nægt vatn til að hægt sé að sturta niður, þvo sér um hendurnar eða fara í bað.

Giovanni Lopez, sem rekur gistihús í bænum, sagði að eðlilega spyrji fólk um hvort það verði nægt vatn þegar það kemur og hann viti ekki hverju hann á að svara.

Þessi alvarlega staða segir fljótt til sín í ferðamannageiranum og það er alvarlegt fyrir þetta svæði því næstum allir íbúarnir hafa viðurværi sitt af ferðamönnum.