Í samtali við Los Angeles Times sagðist hann telja að skröltormurinn hafi verið um 60 cm langur. Bómullarkúlur voru í kassanum til að koma í veg fyrir að skröltið í slöngunni heyrðist.
Rannsóknardeild bandarísku póstþjónustunnar er nú að rannsaka málið.
Vitað er að pakkinn var póstlagður í Hayward í Kaliforníu þann 3. maí og var heimilisfang sendandans sagt vera í Palm Coast í Flórída.
Bowles sagðist hafa áhyggjur af að einhver vilji hann feigan og þá sérstaklega eftir að hann frétti þann 20. maí að samskonar pakki hafi verið sendur að heimili hans í Flórída og hafi skröltormur verið í honum.
