Kona sem áreitti 13 ára dreng kynferðislega í almenningsgarði í Cheshire-sýslu á Norðvestur-Englandi sleppur við fangelsisvist. Metro greindi frá.

Atvikið átti sér stað í byrjun október í fyrra. Konan heitir Jade Berry og starfar sem móttökuritari á tannlæknastofu. Konan slagaði drukkin í gegnum almenningsgarðinn þar til hún koma auga á drenginn sem sat á bekk og ræddi við félaga sinn. Hún tróð sér á milli drengjanna og reyndi að blanda sér í samræður þeirra. Síðan strauk hún kynfæri drengsins utanklæða og bauð báðum drengjunum upp á kynlíf. Drengirnir gengu í burtu en áður hafði Jade flett sig klæðum og berað sig fyrir framan þá. Hún féll síðan í yfirlið vegna ölvunar.

Er drengurinn kom heim sagði hann móður sinni frá því sem hafði gerst og hún hringdi í lögregluna. Er lögregla handtók Jade tveimur dögum síðar sagðist hún hafa verið svo drukkin að hún myndi ekkert eftir atvikinu.

Fyrir rétti kom fram að Jade sæi svo eftir atvikinu að hún hafi reynt að taka eigið líf.

Dómur hefur núna verið kveðinn upp yfir konunni og hljóðar hann upp á 12 mánaða skilorðsbundið fangelsi, sem þýðir að hún þarf ekki að sitja inni. Hún er jafnframt dæmd til að undirgangast fíknimeðferð.

Sjá nánar hér.