Sem dæmi má nefna að ef þú biður forritið um að gera mynd af víkingum þá reiknar þú væntanlega með að sjá hvítan karl, kraftalega vaxinn, með sítt skegg, sítt hár og stóran skjöld. En þessu er forritið ekki sammála og sér frekar fyrir sér hörundsdökkan mann eða mann af asískum uppruna.
Ef þú ert beðin(n) um að lýsa páfa, þá er mjög líklegt að þú segir að páfar séu yfirleitt vel við aldur, hvítir á hörund og með undarlegan hatt á höfðinu. En Gemini er ekki á þessari línu og eins og sjá má hér fyrir neðan bjó forritið til mynd af hörundsdökkri konu og karli. Rétt er að hafa í huga að í gegnum söguna hafa allir 266 páfar hinnar kaþólsku kirkju verið hvítir karlar.
Þetta, og fleira, hefur orðið til þess að Google hefur verið sakað um að vera orðið „fáránlega woke“.
Til dæmis skrifaði Debarghya Das, sem starfaði áður sem hugbúnaðarverkfræðingur hjá Google Search, á X að það sé „vandræðalega erfitt að fá Google Gemini til að viðurkenna að hvítt fólk sé til“.
Það er greinilega svo vandræðalega erfitt að Google hefur nú ákveðið að taka forritið úr notkun tímabundið.
