Brúnaðar kartöflur eru fastur hluti af jólamatseðli margra. Þessi blanda af sykri og smjöri, sem umlykur litlar kartöflur, er ómótstæðileg. En það getur verið snúið að fá blönduna til að vera alveg fullkomna.

Margir lenda í því að sykurinn brennur við, hleypur í kekki eða dreifist ójafnt yfir kartöflurnar. En það er til einfalt ráð, sem getur bjargað brúnuðu kartöflunum og tryggt að þetta tekst fullkomlega í hvert sinn!

Galdurinn er einfaldlega að setja vatn og sykur samtímis á pönnuna.

Galdurinn felst í að byrja ferlið með sykur og smávegis vatn. Með þessu tryggir þú að sykurinn bráðni jafnt án þess að brenna við.

Svona gerir þú:

Settu sykur (um 100 grömm fyrir kartöflur fyrir fjóra) og 2-3 matskeiðar af vatni á pönnuna.

Settu pönnuna á meðalhita og hrærðu varlega í þar til sykurinn hefur leyst upp í vatninu.

Láttu blönduna sjóða þar til vatnið er gufað upp og sykurinn byrjar að gyllast og líkjast karamellu.

Settu þá smjör, 25-50 gr, saman við og láttu bráðna.

Settu kartöflurnar á pönnuna og snúðu þeim varlega þar til þær eru þaktar blöndunni.