Forsætisráðherra Ísrael, Benjamin Netanyahu, segir Íran hafa gert afdrifarík mistök og megi þeir eiga von á hefndum. Þetta kom fram í ávarpi hans til þjóðar sinnar í kvöld í kjölfar loftárása Íran.
„Aftur hefur Íran ráðist gegn Ísrael með hundruð eldflauga. Árásin misheppnaðist. Loftvarnarkerfi Ísrael, sem er þá þróaðasta í heimi, kæfði hana í fæðingu. Ég þakka varnarliðinu þetta mikla afrek. Árásin var líka kæfð þökk sé ykkur, þjóðinni, fyrir að vera árvökul og ábyrg. Ég þakka líka Bandaríkjunum fyrir að veita varnaraðstoð“
Netanyahu var svo ómyrkur í máli er hann hélt áfram: „Íran gerði afdrifarík mistök í kvöld og mun gjalda fyrir það. Stjórnvöld í Íran skilja ekki hversu staðráðin við erum í að verja okkur og hversu staðráðin við erum í því að hefna okkar gegn óvinum okkar. Við munum standa með þeim reglum sem við höfum sett okkur: Ráðist á okkur og við ráðumst gegn ykkur“ +
Samhliða loftárásum Íran í kvöld áttu sér stað skot- og hnífaárásir í Jaffa hverfinu í Tel Avive þar sem minnst 7 létu lífið. Netanyahu sendi aðstandendum hinna látnu samúðarkveðju og sagði að Íran beri sömuleiðis ábyrgð á þeirri árás.
