Rannsóknin hefur verið birt í vísindaritinu The International Journal of Epidemiology. Hún byggist á spurningalista sem 280.000 konur á aldrinum 50 til 69 ára svöruðu. Þær voru meðal annars spurðar út í áfengisneyslu og tíðir. TV2 skýrir frá þessu.
Rannsóknin leiddi í ljós að konur sem drukku áfengi voru eldri þegar tíðahvörf hófust en þær sem ekki drukku áfengi.
Alþjóðlegar rannsóknir hafa sýnt sömu niðurstöðu.
Þrátt fyrir að rannsóknin hafi leitt í ljós að það var greinilegur munur á upphafi tíðahvarfa hjá konum eftir því hvort þær drukku áfengi eða ekki, þá er erfitt fyrir vísindamenn að slá því föstu hvaða áhrif þetta hefur. Þeir benda þó á að áfengisneysla hafi almennt áhrif á heilsufar fólks.
