Karlmaður í Newton í Bretlandi tók því heldur betur illa þegar kærastan til sjö ára sagði honum upp. Christopher Mark Townsend fór á sannkallaðan bömmer, en hann þufit að mæta fyrir dóm í vikunni til að gera grein fyrir ítrekuðu búðahnupli sem hann hafði verið staðinn að.

Christopher þessi átti nokkurn sakaferil að baki en hafði þó verið á beinu brautinni síðustu þrjú árin, eða allt þar til að hjarta hans var brotið í sumar og hann byrjaði í kjölfarið að hnupla áfengi úr verslunum sem og matvöru. Allt í allt stal hann vörum að andvirði tæplega 20 þúsund króna. Fyrir dómi gat hann lítið skýrt brot sín, enda viðurkenndi hann að á þessum tíma var hann fullfær um að greiða fyrir þessar vörur. Hann hafi í ástarsorg byrjað að drekka ótæpilega og neita fíkniefna og eiginlega bara gengið af göflunum.

Hann hafi farið í dimman stað og djúpt þunglyndi og notað vímugjafa til að líða betur. Undir áhrifum hafi hann komist í óminnisástand og afráðið að stela úr búðum án þess að hafa nokkra þörf á því. Hann sagðist sjá mikið eftir athæfinu og hefur leitað sér aðstoðar.

Dómari sá aumur á Christopher og dæmdi hann til að gegna 12 mánaða samfélagsþjónustu gegn því skilyrði að hann sæki áfengismeðferð. Þarf hann að ganga með sérstakan skynjara á sér til að tryggja edrúmennskuna næstu tvo mánuðina.