Með nýjustu DNA-tækni tókst að bera kennsl á líkið. Það reyndist vera af Sylvia June Atherton. Það voru tveir lögreglumenn sem fundu lík hennar á Hrekkjavökunni 1969. Líkið var í svartri tösku sem var vafin inn í stóran plastpoka.
Atherton var 41 árs, fimm barna móðir frá Tucson í Arizona að því er segir í tilkynningu frá lögreglunni á Facebook.
Í kjölfar þess að það tókst að bera kennsl á líkið hefur lögreglan biðlað til þeirra sem búa hugsanlega yfir upplýsingum um dauða hennar eða dvalarstað tveggja dætra hennar að hafa samband.
Atherton var með greinilega áverka á höfði og hafði verið kyrkt með karlmannsbindi af gerðinni Bolo. Hún var að hluta í náttfötum.
Vitni sögðu að tveir hvítir menn hafi skilið töskuna eftir, eftir að þeir tóku hana úr hvítri pallbifreið.