Nelson býr í Colorado í Texas. People segir að hún sé grunuð um misþyrmingar á barni sem hafi leitt til dauða þess, vanvirðandi meðferð líks og að hafa reynt að spilla sönnunargögnum.
Líkamsleifar stúlkunnar, sem hét Maha Li Hobbs, fundust inni í skáp.
Lögreglan var send á heimilið eftir að móðir Nelson hafði tilkynnt að hún hefði fengið „áhyggjuvekjandi yfirlýsingar“ í textaskilaboðum frá henni. Hún sagðist einnig hafa áhyggjur af velferð dótturdóttur sinnar.
Þegar lögreglan kom heim til Nelson, sem er 27 ára, sagði hún að hún hefði gefið dóttur sína til ættleiðingar en gat ekki sýnt nein skjöl því til staðfestingar. Hún var því handtekin vegna rannsóknar málsins. Í kjölfarið gerði lögreglan leit á heimili hennar og fann þá líkamsleifarnar inni í skáp.
