CNN segir að bandarísku neytendaverndarsamtökin FTC hafi rekið málið gegn Amazon. Var fyrirtækið sakað um að hafa ekki farið nægilega vel með upplýsingar um viðskiptavini sína í tengslum við öryggiskerfið Ring.
Starfsmenn Amazon eru sagðir hafa skoðað mörg þúsund myndbönd, sem voru tekin upp með öryggismyndavélum Amazon, úr svefnherbergjum og baðherbergjum kvenna.
Ring er í eigu Amazon og selur dyrabjöllur með innbyggðum myndavélum og eftirlitsmyndavélar til notkunar innanhúss. Eru starfsmenn sagðir hafa skoðað upptökur úr þessum eftirlitsmyndavélum án samþykkis viðskiptavinanna.
Í einu tilfelli skoðaði starfsmaður Amazon, karlmaður, mörg þúsund upptökur frá heimilum að minnsta kosti 81 konu frá því júní 2017 fram í ágúst sama ár. Eftirlitsmyndavélar voru í svefnherbergjum þeirra og baðherbergjum.
Upp komst um þetta áhorf þegar yfirmaður tók eftir því að starfsmaðurinn horfði bara á „fallegar konur“. Starfsmaðurinn var rekinn.