Vishwas hefur nú verið vikið frá störfum, tímabundið til að byrja með, vegna málsins. The Guardian segir að staðarfjölmiðill hafi haft eftir Vishwas að hann hefði haft samband við annan embættismann til að fá leyfi til að dæla „einhverju af vatni“ út í nærliggjandi skurð. Þegar upp var staðið var rúmlega tveimur milljónum lítra af vatni dælt úr miðlunarlóninu. Þetta magn dugir til vökvunar á 600 hekturum lands.
Vishwas sagði einnig að embættismaðurinn hafi sagt að það væri ekki ekki slæmt ef slatta af vatni væri dælt úr lóninu, það myndi raunar koma sér vel fyrir bændur sem myndu fá meira vatn.
Dísildælur væru notaðar til að dæla vatni úr lóninu og kafarar voru fengnir til að leita að símanum. Hann fannst eftir nokkurra daga leit en var ónýtur eftir að hafa legið í vatninu.
Indland er eitt þeirra ríkja heims sem glímir við vatnsskort. Þar býr 18% mannkyns en aðeins 4% af vatnsmagni heimsins er þar að mati Alþjóðabankans.
Nýliðinn mars var sá heitasti á Indlandi síðan skráningar hófust fyrir 122 árum. Miklir hitar í landinu hafa valdið miklum þjáningum, þar á meðal dauða fólks, uppskerubresti, gróðureldum, skorti á rafmagni og vatnsskorti.