Yfirleitt eru það bara venjulegar þjónustuupplýsingar sem eru lesnar upp í hátalarakerfum lesta en þennan dag var það hins vegar um hálfrar mínútu langt brot úr ræðu með Adolf Hitler sem var spilað. Í lokin var spiluð upptaka af fólki sem hrópaði „Heil Hitler“ og „sieg heil“.
BBC skýrir frá þessu og segir að samkvæmt því sem lestarstjórinn segir þá hafi álíka atburðir átt sér stað síðustu daga.
Stjórnmálamaðurinn David Stögmüller var í lestinni og náði að taka stutt myndband, þar sem hluti af hljóðbrotunum heyrist. Hann birti myndbandið á Twitter og þar heyrist fólk hrópa „sieg heil“.
Í samtali við BBC sagði hann lestarstarfsmenn hafi verið „algjörlega hjálparvana“ og „mjög brugðið“. Þeir gátu hvorki stöðvað þetta né komið eigin tilkynningum að í hátalarakerfinu.
Málið hefur verið kært til lögreglunnar sem vinnur nú að rannsókn þess.