Það voru vísindamenn við Oxford háskóla sem rannsökuðu þetta. Í ljós kom að það að hitta vini sína og eiga í samskiptum við þá hefur jákvæð áhrif á heilsu fólks.
Það að hitta vini sína nokkrum sinnum í viku, hvort sem er yfir vínglasi eða án þess að vín komi við sögu, er svo gott fyrir heilsuna að það getur lengt líf þitt. Huffington Post skýrir frá þessu.
Áhrifin af þessum félagslega þætti eru góð bæði fyrir líkamlega og andlega heilsu.
Rannsóknin leiddi í ljós að fólk sem hittir vini sína nokkrum sinnum í viku var heilbrigðara en aðrir og það var einnig fljótara að jafna sig eftir veikindi eða slys.
Rannsóknin leiddi einnig í ljóst að konur, sem fá sér vínglas með vinum sínum, eiga auðveldara með að takast á við stress í hinu daglega lífi.
Robin Dunbar, prófessor í þróunarsálfræði, sagði að þessar niðurstöður megi rekja til þess að líkaminn losi um „ástarhormóna“ þegar fólk er saman með fólki sem það elskar. Þessir hormónar lækki einnig stressstig líkamans.