Nú er búið að eyða innleggi hans að sögn Mirror sem segir að í færslunni hafi hann skrifað að eiginkona hans hefði greinst með banvænan sjúkdóm.
Hann vilji eðlilega gera allt sem í hans valdi stendur til að styðja hana á þeim fáu mánuðum sem hún á eftir ólifaða. Þar á meðal vilji hann gera allt sem í hans valdi standi til að uppfylla þær óskir sem hún setur fram.
En tvær grímur runnu á hann þegar hún sagði honum að hinsta ósk hennar væri að fá að sofa hjá fyrrum unnusta sínum. Hann sagðist hafa reiðst mjög við þetta og þar sem hann hefði engan til að tala við um þetta hafi hann ákveðið að leita á náðir Internetsins til að fá ráð.
Í byrjun færslu sinnar skrifaði hann að eiginkona hans hefði fengið að vita að hún ætti í mesta lagi níu mánuði ólifaða. „Ég er auðvitað niðurbrotinn. Við höfðum verið saman í áratug. Ég man ekki eftir lífi án hennar og ég veit ekki hvað ég á að gera þegar hún er dáin,“ skrifaði hann.
Hann sagði einnig að hann skilji ekki þessa hinstu ósk hennar og sé mjög efins um að hann vilji leyfa henni að gera þetta.
„Nýlega settist hún niður með mér og sagði mér að eitt af því síðasta sem hana langi að gera sé að sofa hjá fyrrum unnusta sínum. Mér brá auðvitað og spurði af hverju í fjandanum hún vildi það,“ skrifaði hann.
„Innst inni telur hún að hann hafi verið langbesti elskhugi hennar, bæði hvað varðar líkamlega færni og hæfileikans til að fullnægja henni. Hún flutti einræðu um að stundum væri þetta bara spurning um líkamlega fullnægingu og hversu tilfinningalega fullnægjandi það sé með mér, en það er bara bull,“ skrifaði hann og bætti við:
„Nú stend ég eftir með þennan vanda: Að neita deyjandi eiginkonu minni um að uppfylla ósk hennar vegna sjálfselsku minnar eða leyfa henni að sofa hjá öðrum manni sem hún segir vera betri í rúminu en ég. Í hreinskilni sagt, ég er svo reiður og finnst ég svo svikinn eftir að hún bað mig um þetta. Mér finnst að ég hafi verið settur í stöðu þar sem ég neyðist til að segja já, af því að hún er að deyja.“
Skoðanir voru skiptar í athugasemdakerfinu um hvernig hann ætti að bregðast við þessu en flestir töldu að sú staðreynd að konan eigi skammt eftir ólifað, veiti henni ekki rétt til að fara fram á þetta.
