Í árslok 2022 voru íbúar landsins 1.411.750 en ári áður voru þeir 1.412.600. Þeim fækkaði því um 850.000.
Þessi fólksfækkun er talin sögulegur viðburður og vænta margir þess að þetta sé upphafið að löngum tímabili fólksfækkunar. Jafnvel er talið að Indverjar taki fram úr Kína innan skamms sem fjölmennasta ríki heims.
Fæðingartíðnin í Kína á síðasta ári var 6,7 fæðingar á hverja 1.000 íbúa en 2021 var hlutfallið 7,52 fæðingar á hverja 1.000 íbúa. Fæðingartíðnin á síðasta ári er sú lægsta sem hefur mælst í landinu.
Á síðasta ári voru skráð 7,37 andlát á hverja 1.000 íbúa en ári áður var hlutfallið 7,18 dauðsföll á hverja 1.000 íbúa. Dánartíðnin hefur ekki verið hærri síðan 1976.
Helstu ástæðurnar fyrir fólksfækkuninni eru stefnan um að hjón og sambúðarfólk mætti aðeins eignast eitt barn, sem var í gildi frá 1980 til 2015, og hversu dýrt það er að mennta sig. Það hefur valdið því að mörg pör fresta barneignum eða hætta við þær.
