Óhætt er að segja að barinn „Stumpers Bar & Café“ í Hokitika á Nýja-Sjálandi hafi lent í töluverðum mótvindi nýlega í kjölfar atvinnuauglýsingar. Auglýst var eftir barþjóni og þótti mörgum sem kröfurnar sem voru gerðar til verðandi starfsmanns væru ansi undarlegar.

Venjulega væru þær kröfur gerða til barþjóns að hann eða hún kunni að blanda drykki, sé með þjónustulundina í lagi og geti unnið undir álagi.  En í umræddri atvinnuauglýsingu voru gerðar kröfur sem erfitt er að sjá að tengist starfinu mikið.

New York Post skýrir frá þessu. Í umræddri auglýsingu segir: „Leitum að starfsmanni í hlutastarf á barinn. Verður að nota DD-skál, flott bros og gott viðmót en karlar mega líka sækja um.“

Anyone want a job in Hokitika? pic.twitter.com/0j8xpOCgSI

— Jack Kevorkian (@kevorkian82) August 2, 2022

Margir hafa velt auglýsingunni fyrir sér og hvort ekki hafi verið um grín að ræða en aðrir hafa lýst vanþóknun sinni á henni.

„Ég vildi frekar skrapa augun úr mér með ryðgaðri skeið en að vinna á stað sem auglýsir svona,“ skrifaði einn á Twitter.