fbpx
Þriðjudagur 21.júní 2022
Pressan

Forseti Kína opnar fyrir „sérstakar hernaðaraðgerðir“

Kristján Kristjánsson
Fimmtudaginn 16. júní 2022 06:58

Kínverski herinn fær nú heimild til „sérstaka hernaðaraðgerða“.

Ekki missa af Helstu tíðindum dagsins í pósthólfið þitt

Lesa nánar

Xi Jinping, forseti Kína, hefur undirritað tilskipun sem veitir kínverska hernum nýjar heimildir. Þetta vekur ótta margra, sérstaklega á Taívan. Samkvæmt tilskipuninni, sem tók gildi í gær, getur kínverski herinn nú gripið til „sérstakra hernaðaraðgerða“.

Í þessu ljósi er rétt að benda á að Rússar nefna innrás sína í Úkraínu „sérstaka hernaðaraðgerða“ og forðast eins og heitan eldinn að tala um stríð eða innrás í því samhengi. Leiða má líkum að því að Kínverjar séu nú að fara sömu leið til að forðast að nefna að um stríð eða innrás sé að ræða ef þeir grípa til hernaðar.

TV2 bendir á að eftir að Rússar réðust inn í Úkraínu hafi óttinn við að Kínverjar ráðist á Taívan aukist. Þeir líta á Taívan sem óaðskiljanlegan hluta af Kína. Þar hafi aðskilnaðarsinna hreiðrað um sig. Xi Jinping hefur heitið því að Taívan verði hluti af Kína og að ekki verði hikað við að beita hervaldi til þess ef þörf krefur.

Xinhua-fréttastofan, sem er stýrt af kínverska kommúnistaflokknum, sagði frá nýju tilskipuninni í gær í stuttu máli og sagði að markmiðið með henni sé að „vernda fullveldi, öryggi og þróunarmál“ og „vernda heimsfriðinn og jafnvægið í heimshlutanum“.

Global Times, sem einnig er undir hæl kínverskra stjórnvalda, sagði að tilskipunin sé í 59 liðum og veiti hernum heimild til að senda friðargæslulið til starfa utan landsteinanna og grípa til aðgerða, til dæmis í tengslum við manúðaraðstoð.

Kínverski herinn er nú þegar mjög virkur í baráttunni við hryðjuverkamenn og sjóræningja og leggur mikið  af mörkum til friðargæsluliða Sameinuðu þjóðanna víða um heim. Það vekur því undrun að skyndilega sé þörf á nýjum reglum og orðalagi.

Fréttaskýrendur benda á að hugsanlega hafi Xi Jinping þörf fyrir að hnykla vöðvana innanlands í tengslum við fyrirhugaða framlengingu embættistíma hans á forsetastóli en hann er búinn að koma málum svo fyrir að hann getur í raun setið á forsetastóli þar til hann deyr en hann hefur verið forseti síðan 2012. Hann hefur látið breyta stjórnarskránni til að gera honum þetta kleift en áður gátu forsetar aðeins gegnt embættinu í tvö kjörtímabil en þau eru fimm ár.

En einnig hefur verið bent á að ekki sé útilokað að þessar nýju heimildir hersins séu liður í áætlun um árás á Taívan.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Marsbíllinn Perseverance er búinn að eignast vin á Mars

Marsbíllinn Perseverance er búinn að eignast vin á Mars
Pressan
Fyrir 2 dögum

Gera tilraun með fjögurra daga vinnuviku

Gera tilraun með fjögurra daga vinnuviku
Pressan
Fyrir 2 dögum

Rostungstönn í Kyiv hefur hugsanlega tengsl við Ísland

Rostungstönn í Kyiv hefur hugsanlega tengsl við Ísland
Pressan
Fyrir 2 dögum

Vinnur þú þegar þú ert veik(ur)? Ekki gera það

Vinnur þú þegar þú ert veik(ur)? Ekki gera það
Pressan
Fyrir 3 dögum

Julian Assange verður framseldur til Bandaríkjanna – „Sorgardagur fyrir fjölmiðlafrelsi“

Julian Assange verður framseldur til Bandaríkjanna – „Sorgardagur fyrir fjölmiðlafrelsi“
Pressan
Fyrir 4 dögum

Washington DC gerir Sádi-Aröbum grikk – Breyta götunafninu þar sem sendiráðið er

Washington DC gerir Sádi-Aröbum grikk – Breyta götunafninu þar sem sendiráðið er