Ný rannsókn bendir til þess að árið 2099 mun fólk sofa að jafnaði í 58 færri klukkustundir árlega. Þetta er vegna áhrifa hita á svefn. Teymið sem sá um rannsóknina lét 47 þúsund manns í 68 löndum sofa með svefnrakningararmband í hálft ár í meðallagi á milli 2015 og 2017.
CNN greinir frá því að greining þessara tæplega sjö milljón svefnrakninga bendir til þess að líkurnar á því að fá góðan nætursvefn minnka um 3,5% ef hitastigið úti er hærra en 25 gráður.
„Í þessari rannsókn veitum við fyrstu sönnunargögn þess að hlýnun jarðar spilli svefni mannsins,“ segir Kelton Minor sem er í forsvari fyrir rannsókn Kaupmannahafnarháskóla í fréttayfirlýsingu. „Við sýnum fram á það að þessi þróun birtist aðallega í því að fólk sofnar seinna og vaknar fyrr í hlýju veðri.“
Svefnspillingin er hins vegar ekki jöfn hjá öllum. „Hinir öldruðu, íbúar láglaunahverfa og þeir sem þegar búa í hlýju loftslagi verða fyrir meiri áhrifum,“ segir í skýrslu rannsóknarinnar sem var birt í One Earth.
Guardian segir frá vísindunum á bak við niðurstöðuna: Líkaminn kælir sig fyrir svefninn. Auk þess kæla líkamar kvenna sig fyrr um kvöldið en karla sem þýðir að hiti yfir nóttina gæti haft meiri áhrif á konur. Hitastigsstýring líkama eldra fólks er heldur ekki eins góð og yngra fólks og íbúar fátækra landa er ekki eins líklegt til að eiga kælitæki, til dæmis viftur eða loftræstingu.
Kelton segir einnig að afleiðingarnar gætu orðið verri en það sem miðað er við í rannsókninni: „Mælingarnar okkar eru mjög líklega í lægri kantinum.“
