fbpx
Þriðjudagur 05.júlí 2022
Pressan

Enn eitt dularfullt dauðsfall olígarka

Kristján Kristjánsson
Þriðjudaginn 10. maí 2022 08:45

Aleksandr Subbotin.

Ekki missa af Helstu tíðindum dagsins í pósthólfið þitt

Lesa nánar

Innrás Rússa í Úkraínu hefur sett strik í reikninginn hjá fjölda rússneskra olígarka. Eignir þeirra hafa verið frystar á Vesturlöndum. Þeir geta ekki ferðast til Vesturlanda og eiga jafnvel erfitt með að verða sér úti um vestrænan lúxusvarning. Þess utan hafa nokkrir úr þeirra röðum látist á dularfullan hátt eftir að innrásin hófst.

Frá febrúarlokum hafa að minnsta kosti sex olígarkar, sem voru í góðum stöðum í rússneskum fyrirtækjum, dáið. Sumir við ákaflega dularfullar kringumstæður.

Nú síðast var það Aleksandr Subbotin sem bættist í hóp látinna olígarka. Hann var 43 ára og hafði auðgast mjög á viðskiptum með olíu. Hann var áður forstjóri rússneska olíufélagsins Lukoil og var vinur Vladímír Pútíns forseta.

Tass fréttastofan segir að Subbotin hafi fundist látinn í kjallar húss í Mytischi, sem er norðan við Moskvu, á sunnudaginn. Tass hefur eftir húseigandanum, Aleksej Pindyurin, að Subbotin hafi komið heim á laugardaginn og hafi greinilega verið með alvarlega áfengis- og fíkniefnaeitrun.

The Independent segir að Pindyurin sé talinn vera svokallaður „shaman“ sem hafi reynt að aðstoða Subbotin vegna ástands hans. Hafi Subbotin meðal annars fengið „timburmannameðferð“. Í henni fólst meðal annars að hann fékk froskaeitur. Batnaði líðan hans við það en um nóttina lést hann.

Lögreglan rannsakar nú málið eins og hin andlát olígarkanna. Vangaveltur hafa verið uppi um hvort útsendarar stjórnvalda hafi „aðstoðað“ olígarkana yfir móðuna miklu en eins og kunnugt er hefur stjórn Pútíns aldrei verið feimin við að ryðja óæskilegu fólki úr vegi.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 1 viku

Karl Bretaprins þáði hundruðir milljóna frá katörskum sjeik

Karl Bretaprins þáði hundruðir milljóna frá katörskum sjeik
Pressan
Fyrir 1 viku

Blekkti eiginkonuna upp úr skónum

Blekkti eiginkonuna upp úr skónum
Pressan
Fyrir 1 viku

Skyndikynni geta kostað allt að sjö ára fangelsi

Skyndikynni geta kostað allt að sjö ára fangelsi
Pressan
Fyrir 1 viku

Kennari afhjúpar ástæðuna fyrir því að hann hefur verið með auðan stól í kennslustofunni í 50 ár

Kennari afhjúpar ástæðuna fyrir því að hann hefur verið með auðan stól í kennslustofunni í 50 ár
Pressan
Fyrir 1 viku

Ef þú getur ekki gert þetta í 10 sekúndur er útlitið svart

Ef þú getur ekki gert þetta í 10 sekúndur er útlitið svart
Pressan
Fyrir 1 viku

Biden ætlar að þrengja að tóbaksframleiðendum – Minna nikótín í vörunum

Biden ætlar að þrengja að tóbaksframleiðendum – Minna nikótín í vörunum
Pressan
Fyrir 1 viku

Þetta verður um auðæfi Bill Gates að honum látnum

Þetta verður um auðæfi Bill Gates að honum látnum
Pressan
Fyrir 1 viku

Telja að bólusetningar gegn kórónuveirunni hafi bjargað 20 milljónum mannslífa

Telja að bólusetningar gegn kórónuveirunni hafi bjargað 20 milljónum mannslífa