Starfsmenn öryggiseftirlitsins á John F. Kennedy flugvellinum í New York í Bandaríkjunum fundu þann 16. nóvember síðastliðinn óvæntan gest í farangurstösku sem hafði verið innrituð í flug til Atlanta og þaðan átti hún svo að fara til Flórída.
Sem betur voru árvökulir starfsmenn á vakt þennan daginn því í töskunni var að finna kött. Starfsmaður öryggiseftirlitsins sá köttinn þegar taskan fór í gegnum röntgen og var kötturinn tekinn úr töskunni áður en farið var með hana í farangursgeymslu flugvélarinnar.
Kötturinn sem fannst í töskunni var ekki í eigu þess sem átti töskuna, heldur var hann í eigu annars íbúa á sama heimili. Talsmaður öryggiseftirlitsins á flugvellinum segir að talið sé að kötturinn hafi laumast ofan í töskuna án þess að eigandi hans eða töskunnar vissi af því. Góðu fréttirnar eru þær að kötturinn fannst fyrir flugið og nú er hann kominn heill á húfi heim til sín.