Sambandssérfræðingurinn Lauren Consul segir að makar fólks eigi að geta svarað tíu spurningum til að skera úr um hvort sambandið sé gott og heilbrigt.

Consul, sem starfar við ráðgjöf á þessu sviði, skýrði frá þessu í myndbandi sem hún birti á TikTok en það hefur fengið margar milljónir áhorfa. Hún segir að ef fólk svarar öllum spurningunum rétt sé það „að gera eitthvað rétt“.

Spurningarnar sem um ræðir eru:

Veistu hvernig makinn vill hafa eggin sín matreidd?

Hvað finnst maka þínum vera dýr innkaup?

Hvað var draumastarf maka þíns þegar hann var á grunnskólaaldri?

Ef þú kæmir á bar á undan maka þínum, hvað myndi hann vilja að þú pantaðir?

Hversu oft vill maki þinn helst stunda kynlíf?

Hvað, ef þá eitthvað, er makinn mjög feiminn um?

Hvernig vill makinn að klósettrúllan snúi? Á endinn að vera ofan á eða undir?

Hvað sýnir best að hann sé stressaður?

Hvernig vill hann að þú daðrir við hann?

Hvað er það sem veldur makanum mestu stressi þessa dagana?