KNR skýrir frá þessu. Fram kemur að í Nuuk séu smitin tvisvar til þrisvar sinnum fleiri, miðað við hverja 100.000 íbúa, en í þeim dönsku sveitarfélögum þar sem staðan er verst.
Samkvæmt því sem fram kemur á heimasíðunni Our World in Data þá eru hvergi fleiri smit á hverja milljón íbúa á Norðurlöndunum en á Grænlandi.
Henrik L. Hansen, landlæknir, segir að þessa mikla útbreiðslu veirunnar megi rekja til þess að hið bráðsmitandi Ómíkronafbrigði hafi borist til landsins með jólaferðalöngum sem hafi síðan blandað geði við fólk við hin ýmsu tilefni um jól og áramót.
Engar kröfur voru gerðar til ferðamanna á milli jóla og nýárs um að framvísa neikvæðri niðurstöðu úr sýnatöku við komuna til Nuuk. Nú er búið að herða reglurnar og verður fólk að framvísa neikvæðri niðurstöðu sýnatöku þegar það kemur til Nuuk.
