Nýtt trend virðist vera í töluverðri sókn á samfélagsmiðlinum TikTok. Það gengur út á að konur nota vökva úr leggöngum sínum sem ilmvatn. Ástæðan er að því er haldið fram að þetta hámarki kynferðislegt aðdráttarafl þeirra.

Insider skýrir frá þessu. Fram kemur að þetta trend nefnist „vabbing“ og hafi farið á flug eftir að TikTok-notandi að nafni Mandy Lee birti myndband þar sem hún hvatti til notkunar á þessu „óvenjulega ilmvatni“.

Þetta er svo sem ekki í fyrsta sinn sem „vabbing“ vekur athygli. Shan Boodram, kynlífsfræðingur, gaf út bók þar sem hún mælti með notkun leggangavökva sem ilmvatns og sagðist sjálf hafa gert þetta í 15 ár.

Tristram Wyatt, þróunarlíffræðingur, sagði í samtali við Insider engar beinar sannanir hafi fundist fyrir að „vabbing“ virki en það sé þó mjög líklegt að þetta geti haft áhrif á kynferðislegt aðdráttarafl.