En hver eru helstu mistökin sem fólk gerir inni á baðherbergi? Hugsanlega eru það þau sem eru tilgreind hér fyrir neðan.
Klósettið er ekki ruslafata. Það á ekki að henda bleium, eyrnapinnum, dömubindum og blautklútum í klósettið. Þetta á að fara í ruslafötuna. Ef þetta fer í klósettið stíflar þetta það.
Geymdu tannburstann þinn langt frá klósettinu, helst í lokuðum skáp. Í hvert skipti sem þú sturtar niður dreifast bakteríur úr klósettinu um baðherbergið. Þær berast með örsmáum dropum sem sjást ekki með berum augum. Þessir örsmáu dropar setjast á tannbursta, handklæði og annað það sem er inni á baðherberginu. Það er því góð hugmynd að loka klósettinu áður en sturtað er niður. Það kemur ekki alveg í veg fyrir að þessir örsmáu dropar dreifist um allt en það dregur úr magni þeirra.
Ekki drekka vatn úr krananum inni á baði. Ástæðan er að á honum eru bakteríur úr klósettinu. Þær berast með örsmáum dropum eins og lýst er hér fyrir ofan.
Ekki fylla vaskinn af vatni til að skola andlitið síðan upp úr því. Vaskurinn er oft jafn skítugur og klósettið sjálf. Þess vegna skaltu bara skola andlitið með rennandi vatni.
Ekki nota símann inni á baðherbergi. Það er slæmur ávani og það gefur auga leið að bakteríur setja á hann þar inni. Svo er nú líka bara gott að taka sér smá frí frá símanum á meðan nauðsynlegum erindum er sinnt inni á baði.
Þvoðu handklæðin og baðmottur oftar. Eins og gefur að skilja verða handklæði og baðmottur rök við að vera inni á baði og þar með skapast kjörlendi fyrir bakteríur. Þess vegna er mikilvægt að þvo þetta reglulega.
