Sky News skýrir frá þessu. Fram kemur að kórónuveiran valdi því að sífellt fleiri börn og ungmenni þrói með sér einkenni þar sem þau finna undarlega og oft vonda lykt. Til dæmis getur súkkulaði lyktað eins og bensín og sítróna eins og úldið rusl.
Sky News hefur eftir sérfræðingum að þetta geti gert börnum mjög erfitt fyrir við að borða mat sem þau voru áður mjög hrifin af. Haft er eftir Carl Philpott, prófessor við Norwich læknaskólann, að í mörgum tilfellum geri þetta börn algjörlega fráhverf mat og að þeim finnist erfitt að borða. Hann sagði að talið sé að þetta megi rekja til þess að þefskynjarar virki eins vel og áður og geri að verkum að börnin finni aðeins ákveðna lykt.
Hann sagði einnig að vitað sé að um 250.000 fullorðnir Bretar glími við þetta vandamál eftir að hafa glímt við COVID-19 en nú bætist sífellt fleiri börn í þennan hóp.
