Nokkru eftir hvarf hennar sagðist lögreglan telja að hún væri látin og 2013 var það staðfest þegar líkamsleifar hennar fundust nærri vatni.
Ekki tókst að leysa málið en nú er lögreglan hugsanlega komin nálægt því að leysa það. Hún hefur handtekið Shawn Casey Adkins sem var unnusti móður Hailey þegar hún hvarf. KCBD skýrir frá þessu.
Adkins hefur tengst rannsókninni frá upphafi og lögregluna hefur lengi grunað að hann tengist málinu. Hann var sá sem síðast sá Hailey á lífi en hún var þá á leið til vinkonu sinnar. Ekki hefur verið skýrt frá af hverju hann var handtekinn núna en líklegt má teljast að lögreglan hafi fundið ný sönnunargögn.
Í tilkynningu frá lögreglunni kemur fram að hún muni ekki veita nánari upplýsingar um málið fyrr en það kemur fyrir dóm.
