Í janúar á síðast ári var boðið til veislu í samkomuhúsi í Sønderborg í Danmörku til að fagna eins árs afmæli barns af bosnískum uppruna. Boðið var upp á lifandi tónlist, dans, mat og drykki, áfenga sem og óáfenga. En veislan endaði slagsmálum og látum og nú eru fjórir karlar og ein kona fyrir dómi vegna málsins.

JydskeVestkysten skýrir frá þessu. Fram kemur að réttarhöldin hafi hafist á þriðjudaginn en hin ákærðu hafi ekki munað mikið eftir atburðum kvöldsins. Hin ákærðu eru foreldrar afmælisbarnsins, móðurafi þess og tveir vinir foreldranna. Engin gat sagt hver lamdi hvern en ákæruvaldið telur að þau hafi, ásamt fleirum, ráðist á einn gest með höggum og spörkum. Sjö tennur brotnuðu í honum, hann fékk skurð á augabrún sem þurfti að sauma og einnig fékk hann glóðarauga.

„Það var blóð, mikið af blóði. Líklega einn lítri,“ sagði fórnarlambið fyrir dómi.

Allir gestirnir í veislunni þekkjast en allir eru í félagi Bosníumanna á Suður-Jótlandi. Málið hefur sett mikið mark á samfélag þeirra og mun væntanlega gera áfram.