Samkvæmt frétt Fox 2 Detroit þá býr í Wein i Michigan. Hún vildi gjarnan fá leigumorðingja til að ráða fyrrum eiginmann sinn af dögum og fór því inn á heimasíðuna rentahitman.com (sem má þýða sem leigðu leigumorðingja).
Ein vefslóðin er eiginlega of augljós til að geta verið ávísun á vefsíðu þar sem leigumorðingjar bjóða fram þjónustu sína. Þetta var einfaldlega „falssíða“.
Wein hafði þó vit á að nota ekki sitt rétta nafn á síðunni þegar hún pantaði morðið en henni varð það á að gefa réttar upplýsingar um hvernig væri hægt að komast í samband við hana.
Eigandi vefsíðunnar sendi upplýsingarnar áfram til lögreglunnar í Michigan. Lögreglan kom á fundi með Wein á kaffihúsi. Þar sagði hún óeinkennisklæddum lögreglumanni að hún vildi láta drepa fyrrum eiginmann sinn og að hún væri reiðubúin til að greiða 5.000 dollara fyrir verkið. Hún hitti lögreglumanninn aftur síðar um daginn og greiddi honum þá 200 dollara í fyrirframgreiðslu fyrir morðið.
Reiknað er með að dómur verði kveðinn upp yfir henni þann 13. janúar næstkomandi.
