Ghislaine Maxwell hefur enga ástæðu til að gera samning við saksóknara í máli Jeffrey Epstein að sögn lögmanns. Hún hefur ekki farið fram á að gera samning við saksóknar og saksóknari hefur ekki boðið henni samning. Í slíkum samningum fellst yfirleitt að sakborningur hlýtur vægari refsingu en ella gegn því að vera samstarfsfús.

CNN segir að í gær hafi málið verið tekið fyrir hjá dómstól í New York. Þar hafi Bobbi Sternheim, lögmaður Maxwell, sagt að hún hafi ekki brotið neitt af sér og því hafi hún enga þörf fyrir að gera samning við saksóknara.

Maxwell er fyrrum unnusta barnaníðingsins Jeffrey Epstein og samstarfskona hans um árabil. Hún er sökuð um að hafa aðstoðað Epstein við að komast í samband við barnungar stúlku og misnota þær kynferðislega á tíunda áratug síðustu aldar og fyrsta áratug þessarar aldar.

„Ég hef ekki brotið neitt af mér,“ var það eina sem Maxwell sagði við réttarhöldin í gær.

Réttarhöldin hefjast af fullum þunga þann 29. nóvember.